Moatten sajen surggojuohkusa juo gávnnuji. Juohkusin bessi oassálasste juohket vásádusájt ja dåbdojt, madi iehtjádijda gulldali gudi li sæmmi dilen.
– Surggojuogos ij la terapijjajuogos, ájnat sadje gånnå æjvval ja juogat iellema vásádusájt. Álu l buorre diehtet iehtjáda aj sæmmi dåbdoj rahtji, javllá pensjonieriduvvam girkkohærrá Rolf Steffensen, guhti galggá juohkusav jådedit. Dábálattjat li surggojuohkusin vidá ulmutjij rájes gitta lågev ulmutjijda. Ságastallama vuodo l luohtádus, ja mij juohkusin javladuvvá, sjaddá juohkusin. Oassálasste aktelt æjvvali juohkka goalmát jali nælját vahko bielle jahkáj. Dáv fálaldagáv li moattes Hábmerin javllam sij dárbahi. Nágina li juo diededam, valla li ájn ienep saje. Jus sidá oassálasstet de la ber válldet aktijvuodav Rolf Steffensenijn telefåvnån 907 29 317.
Rolf Steffensen guhti l áttjak pensjonieriduvvam girkkohærrá galggá jådedit dáv ådå surggojuohkusav Hábmerin. – Lisj dávk buorre diehtet iehtjáda aj daj sæmmi dåbdoj rahtji, javllá Steffensen. Gåvvå: Bård Eriksen
Æjvvalimsadje sidjij gej lagámusá li jábmám
Hábmera tjoaggulvisá gåhttju dán tjavtja surggojuohkusij sidjij gej lagámusá li jábmám ja aktijvuodav ja dårjav åhtsi.
