Dát la oassen suohkana bargos nannitjit soapptsomav, åvddånahttemav ja bájke gådij ájmon anedimev.

Juolloduvvam dårja:

Knut Hamsuns vei 15 (Åbmudaknummar 16/94):
Trude Ediassen Grimstad la oadtjum 85 876,26 kråvnå doarjjan ietjas goadev ådåstuhtátjit. Duodastuvvam gålo lidjin 571 752,52 kråvnå.

Skautnesveien 9 (Ånr. 16/28):
Birgit Gaarder Holien ja Eivind Winsvold oattjojga 200 000 kråvnå, mij la nav ållo doarjja gå ber máhttá oadtjot. Duodastuvvam gålo lidjin ienep gå 800 000 kråvnå, navti oattjojga nav ållo dårjav gå ber máhttelis. Prosjevta gárvvánimduodastus basádismáno låhpan tjáleduváj.

Lapplægeret 4 (Ånr. 260/315):
Audun Nikolai Solstrøm oattjoj 62 002,83 kråvnå doarjjan ietjas goadev ådåstuhtátjit. Duodastuvvam gålo lidjin 524 005,66 kråvnå.

Knut Hamsuns vei 13 (Ånr. 14/120):
Marit Brunvær ja Stian Steffensen oattjojga aj 200 000 kråvnå, mij la nav ållo doarjja gå ber máhttá oadtjot. Dagu dån nuppe bargon, lidjin duodastuvvam gålo badjel 800 000 kråvnå, navti oattjojga nav ållo dårjav gå ber máhttelis. Prosjevta gárvvánimduodastus gålgådismánon tjáleduváj.

Manen ienemus doarjja?

Njuolgadustjállagin la rádje man ålov máhttá juohkka prosjæktaj oadtjot. Dát rádje l 200 000 kråvnå. Jus galggá oadtjot nav ållo dårjav gå máhttelis, de galggi duodastuvvam gålo liehket badjel 800 000 kråvnå, dagu prosjevtajn Skautnesveien 9 ja Marie Hamsuns vei 13.

– Sávav sáhka manná

– Avtajienalasj suohkanstivrra l dáv årnigav mierredam, ja suohkanoajvven sávav sáhka manná váj álmmuk årniga birra gulli. Jáhkáv dát máhttá liehket buorre viehkken priváhta ulmutjijda gudi sihti gådijt tsieggit jali ådåstuhttet - ja mij suohkanin aj tjijnnip gå dákkir rudájt juollodip, javlaj suohkanoajvve Britt Kristoffersen gå årnik almoduváj.

Suohkanstivrra mierret juohkka jage doarjjaårniga rámmav ja doarjjarudájt. Dát Fábmofånda baktu ruhtaduvvá. Jahkáj 2025 la suohkan dási biedjam 2 millijåvnå kråvnå.

Åhtsåmus galggá dábálattjat åvdeduvvat sæmmi jage dagu gárvvánimduodastus jali gasskabåddåsasj årromloahpe goahtáj la tjáleduvvam. Åhtsåmájggemierre l javllamáno 1. biejve dan jage gå gárvvánimduodastus jali regulerimpládna l gárves.