Illustrasjonsfoto: Skjermdump norgeskart.no.
Leserinnlegg:

Ájluovtagij ja Badjesijdagij bidnustallama

Meninger: Dette innlegget er skrevet av en ekstern bidragsyter, og gir uttrykk for skribentens holdninger.


Av Samuel Gælok.

Vierttiv oanegattjat tjállet dan bidnustallama birra majt muhtema, aktan mujna, ma muhttin åvddån båhti ulmutjijs dá guovte bájkes avijsajn ja sosiála medijájn. 

Dálla gå lip avta suohkanin sjaddam, de badjáni ássje gåsi ja gåggu galggap tsieggit suohkana ájnas varresvuoda dievnastusájt. Ja dákkár ássje muv berusti, ja danen aj dáv tevstatjav tjáláv.

Iesj sidáv diedon buorep dilev midjij gudi årrop Ájluovta ja Sisnuore bájkijn. Dá bájke li guhkes ájgev  rahtjam dievnastusájt lagábuj oadtjot. 

Dálla gå muhtem Badjesijda bájkega, ja daj lagos bájkijn, sihti bidnustallat dáj birra, de muhttijn tjáleduvvi duot dát man ájnas le Badjesijddaj tjoahkkit varresvuoda dievnastusájt, ja muhtema e åvvånis udna makkárak ájnas dievnastusájt Ájluoktaj. 

Vuorbben midjij gudi sihtap muhtem dievnastusájt Ájluoktaj, le jut miján li suohkanpolitihkkára gudi dádjadi almmaláhkáj gæhttjat gájkajt dárbojt. Ja duodden dási, de li tjiehpes suohkanpolitihkkára.

Ja jur dát le aj ájnas gå kárttaj ja álmmuklåhkuj gæhttjap. Ienemus oasse suohkana viesádijs årru E6 rahte milta. Ja muv mielas le dát buorre geografijjalasj sivva tsieggip muhtem suohkana ájnnasamos varresvuodadievnastusáj dåhku gånnå ulmutja årru. Ja gånnå gávnnuji ienemus dakkár barggosaje ma dárbahi hiehtedilen oanep manov gå Badjesijddaj. 

Debatt
NordSalten Avis oppfordrer leserne til saklig debatt!
Tenk over hva man skriver og vis hensyn. Kommentarfeltet overvåkes av våre moderatorer. Grove overtredelser av normal debattskikk kan straffes med utestengelse.