-- Mihá la kultuvrraávvudallam juohkkahattjajda Hábmera suohkanin. Ålles vahkov galggap muossádit duov dáv ådå ihkkunav, oahppat juojddá, ietjama hásstalit, ådå ulmutjijda oahpásmuvvat ja biggit soapptsomav ja aktisasjvuodav, tjállá luojvojguovdásj.
Kultuvrraávvudallam álggá mánnodagá snjuktjamáno 28. biejve ja vihpá gitta sådnåbæjvváj vuoratjismáno 3. biejve. Dán aktijvuodav luojvojguovdásj alot: - Boade fárruj ja hábbmi kultuvrraávvudallamav hávsskes dáhpádusáj suohkanav miehtáj. Gåhttjop ja alodip gájka juohkusijt ja siebrijt suohkanin fárruj prográmmav dævdátjit ja suohkanij vas doajvov buktet váj måvtuga sjaddap.