Jårggålam: Lars Th. Kintel

NRK Sábme galggá sámij álmmukbiejve ávvudallamav tjuovvot Tråmsån guossij ja sáme musihkajn. Danna galggá Måskek Ailo Thomassen guovdásj rållan. Galggá sáddit duot dát ávvudallamis mij dáhpáduvvá duoppen dáppen Tråmsån. Navti de unna bájkásj Måsske buoragit vuojnnu gå NRK galggá álmmukbiejvev ávvudallat.

Galggá guossen mannat

NuorttaSálto Avijssa l åvddåla tjállám sihke dan birra gå Ailo l fáron NRK:a nuorra barggij åttjudime prográmman, ja suv musihka birra. Dálla journalisstabarggo suv Roandemij doalvvu, gånnå ådå ja geldulasj bargguj álggá.

– Sjaddá ihkeva suohtas! Duodaj ådå muossádibme munji. Dåbdåv dagu ådå kapihtal álggá muv barggoiellemin. Jådåv Roandemij dá vahko ja galgav NRK P3:n barggagoahtet, javllá Ailo NuorttaSálto Avijssaj.